Опрема за подготовка на примероци

Благодарение на огромниот напредок во индустријата на микропроцесори, аналитичките инструменти кои се користат во спектроскопијата, хроматографијата, микроскопијата и сл., доживеаја значаен развој. Покрај напредокот, чекорот на подготовка на примерокот останува неопходен пред вршење инструментална анализа. Главните причини се ниската осетливост на инструментите, интерференциите на матриксот и некомпатибилноста на примерокот со аналитичкиот уред или аналитичката метода. Повеќето потрошено време и грешки кои се јавуваат при хемиската анализа се јавуваат токму во чекорот на подготовка на примерокот. Како резултат на тоа, секое подобрување во овој суштински процес ќе има значително влијание врз скратувањето на времето на анализа и нејзината прецизност и точност, како и намалувањето на трошоците на анализа. Конвертирањето на примерокот во формат кој е компатибилен со аналитичката инструментација може да биде едноставно како разблажување или филтрација, или може да вклучува повеќестепени постапки. Примероците мора да бидат репрезентативни, хомогени и погодни за избраната анализа. Оттаму, подготовката на примерокот е критичен чекор во било која аналитичка постапка. Во нашето портфолио на инструменти и уреди можете да најдете сè неопходни техники за подготовка на примероци, почнувајќи од физичка подготовка на примероци со помош на млинови, сеалки и преси, преку микробрановата дигестија до уреди за екстракција и автоматизирана екстракција.

Млинови, сеалки и машини за пресување на примероци

Машини за полирање и топење на примероци

Микробранова дигестија

Реактори

Екстракција на цврста фаза (SPE)

Автоматизирана забрзана екстракција со растворувач (ASE)

Апаратура за испарување, загревање и мешање примерок

Уред за концентрирање примероци со големи волумени