Дисолуциони системи и системи за тестирање на цврсти форми

Дисолуционите тестови (тестови за брзина на растворање) се користат во фармацевтската индустрија за да се карактеризираат својствата на растворање на активната супстанца на лекот, ослободувањето на активната супстанца, како и растворањето од формулацијата на лекот. Стандардните таблети обично се тестираат со примена на методот на лопатки (USP 2), капсулите и слични "лесни - плутачки" форми се тестираат со методот на корпички (USP 1), додека за трансдермалните форми се користат методите на лопатка преку диск (USP 5) и ротирачки цилиндер (USP 6). Исклучително е интересен и методот на проточна ќелија (USP 4 / EP проточна ќелија) кој нуди целосна флексибилност во користењето на различни волумени на медиум и овозможува тестирање на практично сите форми на дозирање: прашоци, суспензии, супозитории, API, липофилни форми, липозоми, микросфери, получврсти материи, импланти, како и медицински средства, вклучувајќи и стентови. Покрај тестовите за брзина на растворање, цврстите фармацевтски форми се тестираат заради утврдување на усогласеноста на физичките својства: распадливост, абење, цврстина, проточност на прашоци... Сите инструменти за овие тестирања имаат можност за самостојно управување, а можна е и интеграција со најсовремениот софтвер за управување со податоци и известување - во целосна согласност со барањето 21 CFR 11.