Електронска микроскопија

Електронски микроскопи користат сноп на забрзани електрони за генерирање слика, при што електроните имаат значително помала бранова должина од видливата и UV светлината која се користи кај оптичките светлосни микроскопи. Самата природа на електроните овозможува поголемо зголемување и подобра резолуција. Електронските микроскопи се делат на две категории, а тоа се трансмисиони електронски микроскопи (ТЕМ) и скенирачки електронски микроскопи (СЕМ). Со нивната моќна резолуција и можност за зголемување, пронашле примена во карактеризација на материјали, производство на полупроводници, биолошки и медицински истражувања. Скенирачки електронски микроскопи (СЕМ) овозможуваат најразновидни испитувања и анализа на микроструктурни карактеристики на цврсти објекти. Со СЕМ можеме да снимиме слика со висока резолуција за примерок со голем зафатнина. Важна карактеристика на СЕМ е длабочината на сликата која ни дава тридимензионален изглед на примерокот. Благодарение на можноста за набљудување и карактеризација на хетерогени органски и неоргански материјали на микрометарска и нанометарска скала, СЕМ стана клучен инструмент во многу истражувачки области, кои опфаќаат се од наука за материјали, преку форензика, индустриско производство, до биолошки и медицински истражувања. Трансмисиона електронска микроскопија (ТЕМ) е техника на снимање слика со висока резолуција во која сноп електрони поминува низ тенок примерок за да се генерира слика. На електронскиот сноп влијаат дебелината и густината на примерокот, неговиот состав и во некои случаи кристалноста. Трансмисиониот електронски микроскоп (ТЕМ) претставува идеално средство за анализа на состав и структура на атомска скала. Ни дава слики на примероци и нивните дефекти во атомска резолуција, заедно со спектроскопски податоци и дифракциони обрасци за суб-нанометарски региони. ТЕМ е незаменлив инструмент во науката за материјали, а со развојот на крио-ТЕМ, сè повеќе се користи и во биолошки и медицински истражувања.

СЕМ - Скенирачка електронска микроскопија

Десктоп СЕМ - Десктоп скенирачка електронска микроскопија

ТЕМ - Трансмисиона електронска микроскопија

DualBeam инструменти

ЕФА системи

Системи за модифицирање струјни кола

МикроЦТ

Витрификација на примероци во електронска микроскопија

Детектори за електронска микроскопија

Апликации во електронска микроскопија