Електронските микроскопи користат сноп на забрзани електрони за генерирање слика, при што електроните кои се користат имаат значително помала бранова должина од видливата и UV светлина која се користи кај оптичките светлосни микроскопи. Самата природа на електроните овозможува поголемо зголемување и подобра резолуција. Електронските микроскопи се делат на две основни категории: трансмисиони електронски микроскопи (TEM) и скенирачки електронски микроскопи (SEM). Благодарение на својата моќна резолуција и можност за зголемување, електронските микроскопи нашле примена во карактеризација на материјали, производство на полупроводници, биолошки и медицински истражувања.
– Различни техники на електронска микроскопија кои се користат во карактеризација на материјали се испробани и докажани во различни полиња на истражување на материјали како што се истражување на батерии, полимери, катализатори, наночестички, влакна и филтри, 2D материјали, геолошки истражувања, во форензика, тестирање во авто индустријата, истражувања поврзани со нафта и гас, фундаментално истражување на метали, контрола на квалитет и анализа на дефекти.
– Методите на електронска микроскопија во биолошки и медицински истражувања, вклучувајќи анализа на големи ткивни примероци, техники на крио-електронска микроскопија (крио-EM), криотомографија и анализа на поединечни честички, нашле своја примена во истражувањата на структурна биологија, заразни болести, откривање лекови, истражување на биологија на растенија, патологија и истражување на рак.
– Константно унапредување на перформансите и енергетската ефикасност на полупроводнички и микроелектронски уреди се врши со помош на електронски микроскопи кои овозможуваат развој на полупроводници и унапредување на производниот процес, зголемување на приносот и метрологија, анализа на дефект, физичка и хемиска карактеризација, идентификација на осетливост на електростатички пробој и анализа на полупроводнички елементи со висока моќност.
