Апликации во молекулска спектроскопија

Техниките на Thermo Scientific™ молекулска спектроскопија опфаќаат UV-Vis, FT-IR, FT-NIR, РАМАН, НМР, и флуориметрија. Овие инструменти овозможуваат квалитативна и квантитативна анализа на широк спектар на органски и неоргански соединенија во академски, аналитички, услужни, QC/QA и форензички лаборатории, како и во индустријата на полимери, фармацевтската и прехранбената индустрија, индустријата за пијалаци, но и за апликации поврзани со микропластика, наноматеријали и други од областа на науката за материјали.
Стоните и преносливи Pico-Spin НМР спектрометри овозможуваат едноставно следење на реакции без криогено ладење во QA и QC лабораториите во хемиското производство и во едукацијата по органска хемија. UV-Vis спектрофотометрите даваат одговор на сите предизвици во академските и индустриските лаборатории, било за потребите на фармацевтската, хемиската или индустријата за пијалаци, или пак услужните лаборатории, сè до посложените апликации како квантификација на ДНК, РНК и протеини во секунда користејќи само 1–2 µL примерок со помош на Thermo Scientific™ NanoDrop™ спектрофотометрите.
FT-IR спектрометрите се користат за квалитативна и квантитативна анализа на органски и неоргански примероци во академски, аналитички, QC/QA и форензички лаборатории. FTIR често се користи за тестирање на полимери и во фармацевтски анализи, но техниката нуди практично неограничени примени.
FT NIR техниката има широка примена во анализа и тестирање во индустријата на фармацевтски производи (воедначеност на содржина на таблети и премази, стабилност на лиофилизиран материјал, следење на процес, конзистентност на раствори за екструзија, следење на ферментација и клеточни култури), хемиската и индустријата на полимери (верификација на влезен материјал, униформност на смеси, анализа на адитиви, влага, мономери, следење на реакции, следење на процеси), и земјоделската и индустријата за храна (сурови земјоделски производи, мелење брашно, млечни производи, масло за јадење, шеќер и слатки, пијалаци).
Thermo Scientific™ DXR™ Раман спектрометрите и микроскопите ви овозможуваат да пристапите до вашите Раман податоци побрзо од кога било. Освен тоа, овие уреди наоѓаат примена во разни области: академски истражувања, форензика, гемологија, нанотехнологија, наука за материјали, геологија, life sciences и наука за биоматеријали, автомобилска и аеро индустрија, реставрација и конзервација на уметнички дела, како и во апликации кои вклучуваат фармацевтски производи, полимери, микропластика, електроника, складирање на енергија и козметика.